IÑIGO ARITZA IKASTOLA-LEHEN HEZKUNTZA

Kaixo familiak,  Erronkan "Zentzumenak, mundurako ateak" unitatean, zentzumenak hobeto ezagutu ditugu eta zentzumen bakoitzaren eginkizunari buruz eskuratutako ezagutzak erabiliz, garunak gure inguruko informazioa nola jasotzen duen eta nola erantzuten duen ikasi dugu.  Hori guztia hainbat jolas eta ekintzen bitartez praktikan jarri dugu ere. Horretaz gain, zentzumenak aktibatzeko tailerrak antolatu ditugu eta beste geletako lagunak hauetan parte hartzera gonbidatu ditugu. Ikusi 👀

Kaixo familiak, Euskarako 3.unitatean, "Tik, bakarrik. Tak, ikarak" izenekoan, ikarak uxatzeko makilatxo magikoa egin genuen.  Paper zati batzuetan gustuko ditugun gauzak, mezu lagungarriak, ondo sentiarazteko mezuak... idatzi genituen eta makilan itsasi genituen. Orain beldur garenean, gure makilatxo magikoa astintzen dugu eta konjuro bat esaten dugu: "Kax, kax, kalabax! Beldurrak kanpora! Ris-ras!"