IÑIGO ARITZA IKASTOLA-LEHEN HEZKUNTZA

Kaixo familiak,  Giza gorputza lantzen ari garen honetan, Juan Kruz Igerabidek idatzitako eta Ainara Azpiazuk ilustratutako "Nire gorputzean bizi naiz" liburua izan dugu oinarri.  Hitzekin jolasten eta hitzen bidez gorputzarekin jolasten aritu gara eta hainbat olerki dramatizatu ditugu.  Hurrengo bideoan horiek ikusteko aukera duzue. Gu bai artistak!  

 Kaixo familiak, ERRONKAKO 2. unitatean animalien munduan murgilduak gaudelarik, Julio Sotok egindako bertso polita abestu dugu denok elkarrekin. Hemen duzue gure grabaketa: 🎶🎬😄

Kaixo familiak, Gure ikastola eta gure gela hobeto ezagutu nahi dituzue? LH1.mailako ikasleok Erronkako "KAIXO, LAGUN, ONGI ETORRI! " unitatea bukatzeko, aurkezpen eder bat egin dugu. Bertan, ikastolako hainbat espazio erakutsiko dizkizuegu eta gelan nola aritzen garen azalduko dizuegu. Bideoan klikatu eta ibilbideaz disfrutatu!

Kaixo familiak! LH1. mailako ikasleok hainbat alfabeto egin ditugu. Lehenengoa gure gorputzekin irudikatu dugu.  Nola egin dugun ikusi nahi al duzue? Ba, hementxe daukazue! Bigarrenerako eskuak lanean jarri ditugu eta eztarriak berotu ditugu. Begira 👀, zeinen ederra geratu den!

Kaixo familiak, LH1 eta LH2. mailakook ikasturte bukaeran Urbasara egindako irteeraren argazkitxo batzuk dituzue hemen. NATURKIDEko lagunek prestatutako orientazio ginkana ederra egin genuen eta primeran pasatu genuen elkarlanean naturaz gozatzen!

Kaixo familiak! Txanelako Gora Gutenberg! Gora Marconi! gaian komunikazioa zer den ikasi dugu eta historian zehar erabili diren hainbat komunikabide ezagutu ditugu. Horietako bat irratia izan da eta kazetariak eta esatariak bihurtuz, irratsaio bat egin dugu.   Entzuteko prest al zaudete?  Hementxe duzue!

Kaixo familiak, Oraingoan urtean zehar txanelan egindako proiektu batzuen argazkiekin sortu dugun bideoa duzue ikusgai. Denboraren makinean hainbat bidai egin ditugu. Hauetatik pila bat ikasi dugu, lan izugarria egin dugu eta asko disfrutatu dugu. Gustukoa izatea espero dugu. 😉