IÑIGO ARITZA IKASTOLA-LEHEN HEZKUNTZA

Kaixo familiak, Oraingoan makinen munduan murgildu gara.  Makina sinpleak ezagutu ditugu eta asmatzaile bihurtu gara.  Zer asmatu dugun jakin nahi duzue?  Bideoan klikatu eta disfrutatu!😊

Kaixo familiak, Erronkan gure gorputzekin hizketan aritu gara oraingoan. Giza gorputza kanpotik eta barrutik nolakoa den ikasi dugu, hainbat eskulan egin ditugu eta gorputz aparatuen aurkezpenak prestatu ditugu.  Azken hauetarako, taldeka lan egin dugu ideiak partekatuz, lanak banatuz, elkarrekin marraztuz eta azalpenak prestatuz. Zein interesgarria den gure gorputza!  Ikusi nahi duzue? 🎤

Kaixo familiak, Euskarako 3.unitatean "Nire gorputzean bizi naiz" olerki liburua oinarri izanez, dramatizazio txikiak egin ditugu. Dramatizatu behar genituen olerkiak hainbat aldiz entzun ditugu, talde txikietan rolak banatu ditugu, entsegu txikiak egin ditugu eta talde handiaren aurrean aurkeztu ditugu.  Zuek ere ikusi nahi dituzue?

Kaixo familiak, Erronkako "Bizirik ote?" eta euskarako "Badauzkat nire zulotxoan" unitateetan, landareen inguruan asko ikasi dugu eta udazkenarekin lotutako hainbat ekintza eta eskulan egin ditugu. Ikusi nahi dituzue?  😄

 KAIXO FAMILIAK, Erronkako 1. unitatean, "LIBURUTEGIEN MUNDUA" gaiarekin lotuta idazkeraren historia landu dugu. Bertan, idazkera mota ezberdinak aztertu ditugu, horietako bat idazkera kuneiformea izanik. Erronka moduan gutako bakoitzak idazkera honekin mezu sekretu bana idaztea erabaki dugu. Ea gai zareten gure mezuak deszifratzeko!!! 😆😄

Kaixo familiak! Erronkako 1.unitatean,  "KAIXO, LAGUN, ONGI ETORRI"  izenekoan, gure ikastolako espazioak eta gelak, erabiltzen dugun materiala, irakasleak... hobeto ezagutu ditugu.  Eta hau guztia zuei aurkezteko bideo eder bat prestatu dugu.   🎤🎥🎬 Ikusi ikusi! 👀